“Bayern München” Bundesliqanın XVII turunda “Wolfsburg”u 4:0 hesabı ilə darmadağın edib.

 Bu qarşılaşmada fərqlənən Robert Levandovski 2021-ci ildəki qol sayını 69-a çatdırıb. 

 33 yaşlı polşalı bununla da Kriştiano Ronaldonun rekordunu təkrarlayıb. Portuqaliyalı 2013-cü ildə bu qədər qola imza atıb. 
 
Dünya rekordu isə Lionel Messiyə məxsusdur. Argentinalı 2012-ci ildə 91 dəfə fərqlənib.

 Levandovski 69 qoldan 43-nü Bundesliqada vurub. O, 1972-ci ildə bir ildə 42 çempionat qoluna sevinən Herd Mülleri arxada qoyub.