İspaniyanın "Barcelona" klubu 20 ildə ilk dəfə UEFA Çempionlar Liqasının pley-off mərhələsinə vəsiqə qazana bilməyib. 

 

Kataloniya təmsilçisi qrup mərhələsinin VI turunda Almaniyada "Bayern Munchen"ə 0:3 hesabı ilə uduzub. Komanda son olaraq 2000/2001 mövsümündə eyni aqibəti yaşayıb. "Barcelona" həmin vaxt İtaliyanın "Milan", İngiltərənin "Lids" və Türkiyənin "Beşiktaş" klubunun yer aldığı qrupda üçüncü yeri tutub və UEFA Kubokunda (hazırkı Avropa Liqası) iştirak etməli olub. 

 Qeyd edək ki, E qrupunda 7 xalla üçüncü olan "Barcelona" UEFA Avropa Liqasında mübarizəni davam etdirəcək.