“Roma”da yeni müqavilə

 İtaliyanın “Roma” klubu futbolçusu Lorenso Pelleqrini ilə müqaviləni uzadacaq.

Paytaxt təmsilçisinin nümayəndələri yarımmüdafiəçinin agenti ilə danışıqları yekunlaşdırmaq üzrədir.

Yeni anlaşmada şərtlər fərqli olacaq. Pelleqrini ildə 3 milyon avro qazanacaq. O, bonuslar hesabına daha 1 milyon əldə edə bilər.

25 yaşlı futbolçunun komandadan getməsi üçün tələb olunan 30 milyon avro ilə bağlı şərt də ləğv edilib. Onun əvvəlki müqaviləsi 2022-ci ilin yayına qədərdir.

Qeyd edək ki, Pelleqrini A seriyasının ötən mövsümündə 34 oyunda 7 qol vurub.


Apasport.az

Post a Comment

0 Comments